Балқаш гуманитарлы-техникалық колледжінде 9–11 сынып оқушыларына арналған «Ашық есік» күні ұйымдастырылды…

23 сәуір күні Әлихан Мусин атындағы Балқаш гуманитарлы-техникалық колледжінде 9–11 сынып оқушыларына арналған «Ашық есік» күні ұйымдастырылды. Шараның негізгі мақсаты – мектеп бітіруші түлектерге техникалық және кәсіптік білім беру жүйесі, мамандықтар мен оқу мүмкіндіктері туралы жан-жақты ақпарат беру, олардың болашақ кәсіби бағытын айқындауға ықпал ету. Іс-шараға біздің мектептің 9-сынып оқушылары белсенді түрде қатысып, колледждің мамандықтарымен және оқу үдерісімен танысты. Оқушыларға колледждің оқу бағдарламалары, оқыту әдістері, материалдық-техникалық базасы және студенттік өмір жайында толыққанды ақпарат ұсынылды. Сонымен қатар, оқушылар шеберханалар мен зертханаларды аралап, тәжірибелік бағыттағы оқу мүмкіндіктерімен де танысты. Іс-шара аясында колледж ұжымы қатысушыларға арнап концерттік бағдарлама ұсынып, шығармашылық атмосфера орнатты. Оқушылар тарапынан қызығушылық жоғары болды, көптеген сұрақтар қойылып, кері байланыс орнады. Мұндай іс-шаралар оқушылардың кәсіби бағдарын қалыптастыруда және саналы таңдау жасауына көмектесуде маңызды рөл атқарады. Колледж ұжымына жылы қабылдауы мен мазмұнды іс-шара үшін алғысымызды білдіреміз!
#ӘлиханМусинКолледжі #АшықЕсікКүні #КәсібиБағдар #БалқашМектебі #9сынып #Колледж2025 #МамандықТаңдау #БолашақМамандар #БалқашБілім #ОқушыӨрісі ⤵️⤵️