24 қаңтар күні Михаил Русаков атындағы мектеп-интернатында “Даналық мектебі” жобасы бойынша, “Аталар мектебі” аясында “Бабалар дәстүрі — ұрпаққа өсиет” атты кездесу өтті. 6 “А”, 6 “Ә”, 7 “А” сыныптарының оқушылары қатысып, Ерменбетов Өмірбек ата мен Рымбек ата қатысты. Кездесу мақсаты: Оқушыларды аталардан қалған ұлағатты, ғибратты сөздерден өнеге алуға үйрету. Ата-баба мұраларын дәріптей білуге, құрметтей білуге тәрбиелеу. Ата-баба дәстүрлерін еске алған кезде, ең алғаш есімізге “Түгел сөздің түбі — бір, түп атасы Майқы би” түсетіндігі, өздерінің адал да, ақ қараны дұрыс ажырататып, әділ шешім шығарып, ел татулығын, бейбіт өмірді жақтаған қазақтың Төле биі, Қазыбек биі, Әйтеке биі жайлы оқушылар кеңінен мағлұмат алып, түсініктерін молайтты. Өмірбек ата мен Рымбек атаға оқушылар сұрақтар қойып, өнегелі өмірлері жайлы ақпараттарға ие болды.