Су тасқынынан зардап шеккендер мемлекеттің назарынан тыс қалмайды, барлығына қаржылай және басқа да қажетті көмек көрсетіледі. Бұл туралы бүгін, 2024 жылдың 6 сәуірінде Президент Қасым-Жомарт Тоқаев ел азаматтарына арнайы үндеуінде айтты.
Қазақстандықтардың барлық материалдық шығыны өтеледі, сомалар келтірілген шығынға пропорционалды болады», — деп сендірді Мемлекет басшысы.
Үкімет тұрғындарға көмектесу үшін мемлекеттік материалдық резервтерді босатады. Сондай-ақ, Мемлекет басшысының тапсырмасымен Министрлер кабинеті залалды өтеудің тиімді тетігін тез арада әзірлеп, оны барлық зардап шеккендерге түсіндіруі керек. Жұмысты үйлестіру үшін премьер-министрдің орынбасарлары қиын су тасқыны жағдайы сақталып отырған өңірлерге жіберіледі. Олар бәрі қалпына келгенше сонда қалуы керек, деді Президент. Ақпараттық штаб мемлекет тарапынан қабылданып жатқан барлық шаралар туралы азаматтарды үздіксіз және жан-жақты хабардар етіп отыруы қажет.
БАҚ өкілдеріне, қоғамдық пікір көшбасшылары мен блогерлерге сөйлеген сөзінде мемлекет басшысы дүрбелең тудыратын тексерілмеген ақпараттың таралмауын атап өтті. Мұндай жағдайда билік пен қоғамды топтастыруға бағытталған әрекеттердің маңызы ерекше.
Азаматтарды тек ресми ақпарат көздеріне сенуге шақырды.
Апатпен күресуге атсалысқан құтқарушыларға, полиция қызметкерлеріне, еріктілерге және барлық мүдделі азаматтарға алғысын білдірді. «Ел үшін қиын-қыстау кезеңде қоғамымыздың бірлігі мен ынтымағы бұрынғыдан да маңызды», — деді Мемлекет басшысы.
